Heilsuleikskólinn Krógaból

Krógaból er heilsuleikskóli sem leggur áherslu á lífsleikni, málrækt og sköpun í daglegu starfi. Við vinnum eftir námskrá Krógabóls sem byggir á Aðalnámskrá leikskóla.

Í námskrá Krógabóls er unnið út frá ákveðnum hornsteinum þ.e. heilsu, lífsleikni, málrækt og sköpun. Inn í þessa fjóra þætti fléttast námssvið Aðalnámskrár leikskóla; læsi, heilbrigði og vellíðan, lýðræði og mannréttindi, jafnrétti, sköpun og sjálfbærni.

Stefna Krógabóls er að börnin tileinki sér lífsleikni í gegnum allt nám leikskólans. Lífsleikni byggist á alhliða þroska, færni til samskipta og virðingu fyrir sjálfum sér, öðrum og umhverfinu. Lögð er áhersla á að auka gleði og vellíðan barnanna með áherslu á hreyfingu, næringu og lífsgleði í leik og starfi.

Námsleiðir í leikskóla eru fjölbreyttar en leikurinn er aðalnámsleiðin og sú sem lögð er mest áhersla á. Í gegnum leikinn öðlast börn reynslu, auka við þekkingu sína, læra að eiga samskipti hvert við annað og ráða fram úr ágreiningsefnum. Samhliða leiknum gefast mörg tækifæri til náms í gegnum daglegt starf.

 

Áhugavert efni

  • Hollt mataræði

    Hollt mataræði

    Góð næring skiptir miklu máli fyrir bæði stóra og smáa. Við mælum með því að foreldrar kíki á þennan vandaða bækling frá Embætti landlæknis. Ráðleggingar um mataræði fyrir fullorðna og börn frá tveggja ára aldri. 

     
  • Málþroski leikskólabarna

    Málþroski leikskólabarna

    Reykjavíkurborg hefur gefið út frábæra bæklinga þar sem fjallað er um málþroska barna upp að 12 ára aldri. Hægt er að skoða þetta vandaða efni með því að smella á krækjurnar hér fyrir neðan: Málþroski 0-3 […]

     
 

Krógaból á Facebook

Við minnum á að nú fara allar fréttir inn á Facebook. Allar myndir af börnum og fréttir frá deildum fara inn í lokaða hópa þar sem aðeins eru kennarar og foreldrar á hverri deild fyrir sig. Það er von okkar að upplýsingar skili sér betur með þessu móti til foreldra. Til að gerast vinur Krógabóls þarf að leita að Heilsuleikskólinn Krógaból á Facebook og senda vinabeiðni. Einungis foreldrar og kennarar fá aðgang að þessari síðu.

Fyrir aðra sem hafa áhuga á að fylgjast með starfinu bendum við á opna heimasíðu Krógabóls á Facebook en hana má finna með því að leita að Krógaból.

 

Facebook

KRÓGABÓL Á FACEBOOK

 

Gagnlegar upplýsingar

Foreldrar athugið að leikskólinn er lokaður eftirfarandi daga á skólaárinu 2017-2018 vegna starfs- og skipulagsdaga.

14. september 2017
15. september 2017
27. október 2017

2. janúar 2018
26. mars 2018
11. maí 2018

 

Heilsustefnan

Heilsustefnan

Markmið heilsustefnunnar er að stuðla að heilsueflingu í leikskólasamfélaginu með áherslu á næringu, hreyfingu og listsköpun í leik.

Í heilsuleikskóla er heilsuefling höfð að leiðarljósi í einu og öllu. Markmið heilsustefnunnar er að venja börn strax í barnæsku við heilbrigða lífshætti með það í huga að þeir verði hluti af lífsstíl þeirra til framtíðar.

Áhersluþættir heilsuleikskóla geta verið mismunandi eftir leikskólum en næring, hreyfing og listsköpun skal ávallt vera aðalsmerki þeirra.